張敬軒曾應承fans會唱兒歌，但遲遲未兌現，因此被fans改名叫「走數軒」。為洗脫「走數軒」之名，軒仔終於找數，日前他在社交平台上載短片，DJ當奴着住條短裙仔通山跑，軒仔則拎住隻草泥馬公仔同當奴玩耍。原來軒仔翻唱經典卡通片《飄零燕》主題曲，更跟當奴拍攝MV《阿爾卑斯山的中女》，找「兒歌數」。
MV製作一絲不苟，特別在造型方面落足心思，軒仔飾演的「彼得」跟當奴飾演的「海迪」、無論髮型到服裝，跟原著一模一樣。唱腔方面，軒仔一改平時靚聲見人，改為以一把卡通聲去唱，原來軒仔可以開拓埋配音市場；歌詞更顯心思，唱到中段，突然加插咗泰文同日文，音調效果出奇地夾。MV令人對軒仔又愛又恨㗎。事後軒仔說：「泰文同日本係突然間諗到所以唱咗出嚟。」他笑說：「好希望可以憑呢首歌打入國際兒歌市場。至於『走數』嚟講，我係找數找得慢啲，總之有拖冇欠啦。」
