【台慶頒獎禮】膺「萬千光輝演藝人大獎」 薛家燕哽咽攞獎 (20:58)

文章日期:2018年12月16日

【今晚直擊】《萬千星輝頒獎典禮2018》今晚隆重舉行,先由胡楓和黎小田頒發「萬千光輝演藝人大獎」,得主由從影六十年的薛家燕奪得,全場拍手歡呼,家燕姐獲獎時一度哽咽,她感觸說:「好多謝TVB,我好興奮,因為今日得到呢個獎,我要感恩,我演藝生涯今年六十年,(全場拍掌),六十年唔簡單,人生最失意時候,好多謝珍姐(曾勵珍),邀請我拍《真情》,係我人生轉捩點,嗰段時間好辛苦,捱更抵夜,每日瞓兩三小時,但我冇同公司講辛苦,因為覺得公司畀我機會,若冇呢個機會,我係好難有安穩嘅家,所以我好珍惜呢個機會。」家燕姐還多謝樂易玲和余詠珊,以及曾和她合過的藝人。家燕姐說:「有時我趕唔切食嘢,佢哋(指藝人)買嘢畀我食,令我慳埋都好多,今日用呢個感恩心拎個獎,我會繼續努力,報答大家畀我一切。」

(即時娛樂)

明報影片