【台慶頒獎禮】《跳躍生命線》膺最佳劇集 汪明荃:倉底劇都係精品 (23:17)

文章日期:2018年12月16日

【今晚直擊】汪明荃(阿姐)負責頒發壓軸大獎─最佳劇集,結果由熱爆劇集《跳躍生命線》奪得。

阿姐頒獎前說:「眨眼又一年,今晚頒最佳劇集,我好關心TVB發展,公司積極轉型,向多媒體發展,唔止電視機,用手機﹑iPad,劇集數量愈來愈多,黃金時段合共900小時劇集,其中七部係外購劇,十八部係自購劇,另外仲有合拍劇,開拓內地市場,點擊和口碑都唔錯,每部劇參與人員六十位以上,每部劇至少係百幾人心血,可惜未必套套劇受歡迎,好唔好及成唔成功,要睇天時地利人和,有啲劇拍完好耐先播,好似《三個女人一個「因」》,拍了兩年先播,一樣受歡迎,而黃智雯做雙料視后;至於《大帥哥》拍完一年先播,一樣好多人追看。

咁代表乜嘢?喺TVB劇集倉庫,無論放喺高﹑中﹑或倉底﹑全部都係精品,到底邊部精品勝出呢?係咪由遊戲規則決定?我攞過八次獎,嗰幾年,我冇送禮﹑冇續約,冇人搵我傾偈,我唔係完全聽話,得罪好多人都唔知,但我做好一樣嘢,就係做好自己,所以攞到獎,大家唔好只係多謝珍姐﹑樂小姐﹑最緊要多謝番自己,因為真付出好多努力,攞獎係應該。」

(即時娛樂)

明報影片