張繼聰不時在社交網，分享和歲半囡囡張靖互動片段，今日凌晨阿聰在instagram上載女兒出席爺爺壽宴片段，片中張靖一身粉色打扮，拿著咪高峰清唱Baby Shark，她興之所至，就送多幾下小舞步，十分得意。
阿聰留言說：「有人為咗慶祝爺爺生日..... #第一次上台獻唱 #竟然選擇清唱 #我最喜愛歌曲 #babyshark #幾吓小舞步送嘅 #每次只唱幾句 #見好就收先係高 #支咪同對腳一樣長 #要肯定聽衆知自己唱咩歌」，而謝安琪（Kay）則表示：「真正 #我最喜愛歌曲」，阿聰亦回覆老婆：「如果有得投依（呢）隻，我替你地（哋）班五強擔心」。
