曹永廉﹑唐文龍和楊卓娜等，日前出席一間美容店剪綵活動，54歲的阿廉保養得宜，被網民封為「冰封俠」，問到阿廉美容心得，他笑言後生時沒有特別保養，純天然，但有感近年出現衰老跡象，故此多了關注儀容，多做保濕和敷面膜等，同時亦注重健康飲食，少糖少鹽：「其實最重要係心態，開心，個樣就會後生。」
問到阿廉身邊朋友中，覺得哪一位跟他一樣保養得宜？他笑言身邊個個朋友，都保養得不好，他更點名指鄭嘉穎、黃智賢和蕭正楠老得快：「我身邊個個朋友都keep得唔好，你問我身邊邊個朋友老得好快呢？一定係最老友嗰幾個，大家都知道啦，嘉穎皺晒皮，另外黃智賢個樣，睇落仲大過我，但其實佢年紀係細過我；仲有蕭正楠，有啲劇佢可以做我阿哥，佢真係要檢討！所以喺我身邊嘅人老得快，不代表我後生，希望佢哋注重，尤其是嘉穎唔好咁勞碌。」
