【今日直擊】古巨基今日於灣仔利東街舉行記者會，宣布將於4月11至12日，假紅館舉行「古巨基─我們世界巡迴演唱會香港站Part2」。
基仔花費20萬回饋市民，包下25架紅VAN，路線覆蓋香港島、九龍及新界，請大家明天免費搭小巴，全由基仔「找數」。基仔更希望大家為他集氣，成功邀請黃子華當他演唱會嘉賓。基仔受訪時表示，因上次開騷時，子華正為棟篤笑閉關準備，所以不敢打擾，希望今次可成事，但他笑言還未正式向子華開口。
可會再邀請奪得「叱咤我最喜愛的男歌手」古天樂當嘉賓？基仔表示：「我要多謝他幫我拍了個演唱會宣傳片，呼籲大家買飛，上次他是以『五虎』形式來， 再問問他可否以個人形式，再來上台唱歌，攞完獎當然要來唱唱喇。」另外，問到個唱Part 2有何不同？基仔透露歌單和製作都有新元素加入，舞台也有大改動，會將通道改闊。
