林盛斌（Bob）和太太婚後育和三女一子，一家六口相當幸福，而孻仔林道申（Jaye）現時1歲零5個月大，靚仔又可愛，Bob坦言好多時因工作關係，錯過了很多小朋友的第一次，有時是老婆拍完片後再給他看。
Bob說：「因為工作關係，好多時屋企幾個小朋友嘅第一次乜乜乜我都去唔到、睇唔到、聽唔到，最多都係老婆拍片之後再send俾我睇，例如：
大女霏霏第一次幼稚園畢業禮、入學禮、
二女熹熹第一次踩單車、第一次學識溜冰
三女機機第一次學識爬、學識行
細佬JJ第一次學識轉身等等
仲有好多好多，我都見證唔到.... 今日終於第一次第一身親耳聽到！」
原來Bob親耳聽到囝囝叫他「爸爸」，而Bob還親自拍低這個重要時刻，令Bob欣喜萬分。
