由彭浩翔執導﹑陳靜﹑梁詠琪﹑陳逸寧和徐天佑等主演的賀歲電影《恭喜八婆》，氣勢如虹，連續五日成為華語賀歲片票房冠軍，而且劇本被荷里活監製睇中，有機會翻拍。甫踏入豬年，《恭喜八婆》宣布入選大阪亞洲電影節的「香港電影特輯（Special Focus on Hong Kong 2019）」特別項目，更會角逐最受觀眾歡迎奬及最佳演員奬！
導演彭浩翔興奮表示：「好開心咁有本土賀歲特色嘅電影，會得到咁多海外嘅關注！今次係一個好大嘅鼓舞。其實『賀歲片』都係一個香港幾獨有嘅文化嚟，好想藉著呢個機會，由《恭喜八婆》開始向更多海外觀眾，展示呢個『賀歲片』文化。」對於連續五日成為華語賀歲片票房冠軍，彭導表示感謝團隊努力：「非常感激一眾台前幕後嘅手足，盡力去配合宣傳，先令電影有好成績！去謝票嘅時候，聽到觀眾笑得開心，都覺得好安慰，『香港人笑一下』嘅生日願望達成咗。」
而同戲的演員知道入圍電影節，都非常興奮，特別是新演員丁可欣：「好開心第一次演戲就加入到一個咁好嘅劇組，套戲嘅票房又有咁好嘅成續，仲可以入圍到電影節，呢部電影係我人生最好嘅新年禮物！」而陳靜表示開心再入圍大阪亞洲電影節：「之前《低俗喜劇》都有入圍過，當時觀眾反應都好好，我有信心《恭喜八婆》都會得到日本觀眾的喜愛。」
