農曆新年小朋友開心向長輩𢭃利市，但聽到「媽媽幫你保管好利市... ...」這句說話會有什麼反應？今次有呂慧儀的「蟹籽」Anton真情演繹，4歲的「蟹籽」跟媽咪去單立文（豹哥）屋企拜年。視頻見呂慧儀跟「蟹籽」母子檔齊齊向豹哥、豹嫂賀年，媽咪負責講恭賀說話而囝囝則被媽咪捉住手仔作拱手狀。一輪恭賀說話後，豹哥、豹嫂齊遞出利市給「蟹籽」，說時遲那時快，呂慧儀的手突然伸出接過利市。「蟹籽」的反應是視線望向媽咪，無奈表情向後退，好搞笑！有網民感同身受要為「蟹籽」抱不平，問利市歸誰所有？
呂慧儀對網民的「擔心」忍不住哈哈笑，她回覆《明報》說：「真係幫佢暫保管住！佢拎完四圍飛，對利市無乜概念，覺得可以拎嚟玩，玩玩吓就又唔知去咗邊㗎喇！」
