商台DJ Colin昨日在網上大爆在北角渣華道橋底，發現2013年新城勁爆躍進歌手的獎座被棄置，該年的得主有羅力威、龍小菌、連詩雅、蔚雨芯及吳彤，當中龍小菌、蔚雨芯及吳彤先後否認是自己，剛剛羅力威返公司派利市時，聲稱事件與他無關。
羅力威今日返公司派利市，剛巧手上拿著勁歌季選的獎座，即場被人追問新城獎座被棄置的事件，他笑說：「唔係，唔係﹗（拎個獎返嚟澄清？）兩件事，兩件事﹗（你覺得係邊個？）我有一刻懷疑可能真係我，但諗諗吓覺得其實冇乜可能，因為我又冇喺嗰頭出現，雖然噚日我有去北角，哈哈哈…（有嫌疑？）但真係唔係我嘅，應該真係唔係我﹗」
