【今日直撃】蘇永康今日為其6月舉行的「ALL THAT JAZZ(&POP) LIVE 2019」演唱會舉行記者會，獲陳奕迅、張衛健、鄭秀文、楊千嬅、容祖兒、謝安琪及任賢齊好友，齊齊拍片以示支持。當中容祖兒笑言幫手照顧蘇永康兒子Jazz，包保完騷後完整無缺交回，而作為Jazz契爺的陳奕迅問可不可以隨意入場。
至於張衛健就大騷超強急口令能力，讚「情歌王子」蘇永康的演唱會最抵睇，一口氣數出十幾首經典情歌，並搞笑用計數方式計出，大家聽每首歌只是19.33333元，還說：「大帥哥有可能，maybe，話唔定會隆重震撼登場，你自己話抵唔抵。總之睇相佬呃你十年八年，大帥哥講嘢真係起碼要信兩成﹗Good Show﹗」引得全場拍手歡呼。
蘇永康受訪時被問到大帥哥會否上台，他表示：「好多朋友都一定會嚟睇，剛才台上已講過，86人的樂隊之外，最大問題是樂譜，中樂團怎可能突然彈一隻出來，這不是好容易。就算有朋友想上嚟幫手，我未必搵到位畀佢，大家嚟睇下已好高興。」
