【今日直撃】日前呂慧儀宣布與黃文迪離婚，傅嘉莉即在Ig發文爆當年有人博見報，她被誣衊是第三者，可是此事得不到外間支持，反指她是抽水博見報。傅嘉莉今日出席無綫的發布會時，即被追問她與呂慧儀有否聯絡過？她卻迴避問題說：「我想講嘅嘢喺我自己Ig講咗﹗（心情有否受影響？）無，今朝收04，瞓了3、4小時就過來活動，每日都好忙好忙拍劇。（被網民一面倒鬧？）我好接受唔同聲音，好似劇集咁有啲人鍾意，有啲人唔鍾意。（自己有無唔開心？）無、無、無﹗（覺否講真說話也畀人鬧？）每個人都有言論自由，自己都係喺Ig講自己想講嘅嘢。（有無後悔？）無，都係抒發自己心情嘅嘢。」
至於在公司有否撞過呂慧儀？傅嘉莉：「未﹗未﹗（撞到會當唔識？）大家都好忙…（仍是朋友？當年曾任對方姊妹團？）其實我都喺Ig講咗…（是否仍當朋友？）其他嘢唔多回應﹗」
