《逃犯條例》修訂風波引發連串示威遊行,警民衝突不斷加劇,而且愈演愈烈,身為虔誠基督徒的鍾舒漫(Sherman),亦有留意相關報道。昨晚她在ig story憶述近日香港發生的狀況,她坦言心如刀割:「一直都瞓唔到,見到新聞同埋片,我心如刀割,非常撕裂,我明白呢個世界日日都有唔公義嘅事,但係用肉眼親自睇到嗰種痛,真係可以將我嘅世界停頓,我係同所有人每日一齊睇"LIVE",用肉眼望到真相,嗰種冇良知,冇同理心,自私,驕傲,強詞奪理等等,實在挑起我從來未感受過呢種程度嘅憤怒。
我替所有受傷嘅心痛,替所有嘅爸爸媽媽同兄弟姊妹心痛,更替『受咗傷嘅心』心痛,我衷心明白自己嘅眼淚都幫唔到大家,但係我希望同埋喺度呼籲『所有人』,唔好再只係識得譴責,懇請你哋可以放低自己,真正去愛同埋醫治呢班『受咗傷嘅心』。」同時她亦以英文寫道:「若覺得我是藝人,而不應該說這些話,對不起,你好冷血。」