39歲的容祖兒前天（24日）完成個人壯舉，破紀錄舉行了19場紅館個唱，而在第9場個唱中，祖兒好姊妹Twins擔任嘉賓，Twins大爆祖兒好多人追求，還搞笑稱當晚已有幾位追求者在場。
祖兒的戀情備受關注，之前她曾和楊政龍傳緋聞，而舊愛劉浩龍又在網上曬「MY JOEY」的車牌相片，被指對祖兒仍未忘情；有報道指單身的祖兒被爆有新戀情，而新歡原來是王菀之叔仔Gavin So，報道指貌似梁競徽的Gavin是有婦之夫，7月時曾遊東京4日3夜；而報道指二人低調蜜會，以防戀情曝光，至於Gavin之前晚晚幾乎到紅館捧場，陪同不同朋友去睇祖兒個唱，認真有心。
對於爆出「蘇容戀」，祖兒說：「啱啱瞓醒就嚇醒啦，Gavin是我其中一個兄弟，真係唔好意思又拖咗另外一位兄弟落水，我們都是一班朋友一齊玩的，我哋絕對冇發展嘅機會，知道大家對我嘅感情未有著落都好緊張，但我有好消息一定會告訴大家的，正如我演唱會所講，我現在係single，絕對開放歡迎大家有好嘢介紹畀我。」
