現年38歲的無綫藝員「一蚊Joe」游莨維，於2017年升呢做父親，老婆Clara誕下囝囝Morgan，囝囝現時2歲半。
一蚊Joe今天（26日）「拆禮物日」報喜，宣布老婆再懷孕，Morgan將榮升哥哥。一蚊Joe在ig上載兒子拿著超聲波照片，笑到見牙唔見眼，一蚊Joe說：「Boxing Day，一起身，梗係拆禮物啦！感謝各位契媽契爺、姑姐丈丈、姨姨WeWe，Aunties & Uncles送俾（畀）Morgan嘅聖誕禮物 #但我同Clara都送咗份禮物俾（畀）佢~佢下年要做『子辰哥哥』。」
一蚊Joe透過WhatsApp回覆《明報》，他表示太太今次佗B女，並承認兩人最初也掙扎應否再生第二個小朋友：「最終覺得為咗阿仔，因為佢係『雞大哥』，見佢都好惜其他小朋友，所以決定都試一試。都有諗過年紀唔細，所以抱着平常心，得就得，唔得就順其自然。而且都有諗過，萬一又係仔，兩個都係『發電機』咁，我同Clara應該頂唔順。 」現在一女一仔，成功湊成「好」字。
