無綫前體育主播伍家謙4月做爸爸，太太Betty誕龍鳳胎，早前孖B滿月兼慶祝母親節，他先公布一對小朋友的英文名，囝囝叫Archibald，是勇氣與真誠的意思，囡囡叫Audrey。他分享湊B的日常，在每日只有3、4小時睡眠時間，而這4小時中間加插了BB食奶、掃風與換片等工作，爸爸唔易做。伍家謙做了爸爸後，似陷於長期睡眠不足狀態。日前他隆重介紹有星級「陪月」，就是香港拳王曹星如。兩個大男人一人抱一個BB，明顯曹星如抱B手勢比伍家謙好。
伍家謙寫道：「新陪月今日返工喇，手勢幾好，做嘢又有交帶。」有網民問星級陪月的價錢，又有要排隊聘用曹星如做「陪月」。最多留言是「Rex（曹星如）抱得好過你」，伍家謙唔服氣，回應說：「不過打拳我勁過佢！」
