吳雲甫今年3月與拍拖未夠一年的瑜伽導師林瑋如（Jackie）結婚，上月宣布太太已懷孕3個月。夫婦二人日前手持粉紅色BB衫仔，Jackie在其Instagram宣布佗女。
她說︰「等咗咁耐，終於開估，無論你有無估中，都好多謝你提供咗對我生仔定生女既（嘅）意見😌。咁唔係生仔就生女架（㗎）啦，係咪？之但係，估我生仔既（嘅）通常有一啲理論去support。『你個鼻大咗，應該係仔』、『你皮膚差咗啲喎，應該係仔』、『個肚尖喎，應該係仔』。而估生女既（嘅）呢，好神奇地通通（統統）都係答『我覺得你係生女』，大X晒既（嘅）答案😤。」
「有啲做人好厚道既（嘅），會答『媽媽仲係咁靚 / 靚咗喎，一定係女』😘， 呢啲人心地善良，一定好人有好報架（㗎）。而我等左（咗）咁耐，都係無人夠膽答呢個答案，『你老公做得衰嘢多呀，一定係生女』🤪。Any肥，答案在相中啦，你有無估中呀？」
有網民留言說Jackie腹中胎兒是女仔，Jackie回答︰「心地善良嘅你😍估中咗。」
