廖子妤（Fish）早前為婚禮業界舉行的頒獎禮擔任頒獎嘉賓，同場還有《淪落人》導演陳小娟及陶傑等。一身西裝打扮的Fish「反串」現身，她表示：「之前拍攝《地產仔》，或者金像獎都有著男仔西裝，我自己好鍾意西裝，我覺得呢件係我嘅盔甲，係一個好有魅力打扮。無論男同女都可以嘗試。」
Fish透露早前擔任模特兒影婚照，加上近年不少朋友結婚，故有不少朋友向她「催婚」，令她想自己是否已到適婚年齡，她說：「身邊朋友紛紛步入婚姻殿堂，身邊朋友都開始問我幾時結婚，想唔想結婚。」
不過單身的她並未為人生大事着急，她說：「我嘅答案係隨緣啦，要遇到一個啱嘅人，冇咁簡單，身邊朋友好幸運可以遇到另一半，我都好替佢哋開心。」
雖然未遇到Mr.Right，不過Fish表示已想定自己將來的婚禮：「我會憧憬個婚禮可以搞一個party，唔使畀禮金，只係來玩同食嘢，有泳池有live band，開開心心咁玩。」
