無綫台慶劇《超能使者》昨晚（21日）一集講到精神病獲治好的阿鏈（陳展鵬飾），終於記起家中巨變事實，生無可戀的他一度自我放棄，並在橋底露宿，遭魚蛋仔（唐嘉麟飾）等人拳打腳踢兼逼食「地下飯」。
不忍阿鏈被霸凌侮辱的「超能使者」趕及營救，惟阿鏈屢勸不聽，繼續將地上的飯大啖大啖扒入口，更爆Seed認廢人：「我係賤底泥，我鍾意食地上啲飯得唔得吖？我求吓你哋走啦，我唔想見到你哋呀！走呀！」最終他被Q姨（唐詩詠飾）狠摑一巴。
對於演技再獲觀眾肯定，展鵬表示開心：「好感恩大家陪住我成長，亦畀好多唔同意見、方向我調整，有句說話『真正朋友應該講真正說話』，要進步就一定要接受批評，而觀眾就好似家人咁督促我成長。」
為求逼真，展鵬指該幕一身邋遢造型是「就地取材」，就是當場將戲服掉落地再捽污糟，又謂「趴地扒飯」NG了3、4次才收貨：「最難過係第一Take，因為我未克服到仲係忌住忌住咁，所以表情唔得。」展鵬指被摑戲是一Take過完成，並謂事前刻意要求詩詠出盡全力打：「畀佢打完我都有啲暈暈哋、成個人Freeze咗，因為真係食得好應，嗰日返到屋企都見到牙骹位，爆咗少少微絲血管。」
