何啟華（阿Dee）在ViuTV原創劇《心靈師》中挑戰患有多重人格障礙的角色，他表示拍攝雖過足戲癮，卻有壓力。阿Dee說︰「未試過一個人分飾咁多個性格，所以我選擇將性格特質分成8份再放大去演。導演想我可以演繹得搞笑啲，輕鬆啲去帶出呢件事。曾有前輩教我『抽離唔到嘅嘢千祈唔好做，演員係專業㗎嘛』，令我知道處理呢種角色時要更清醒。」阿Dee在今晚（30日）播出的一集中為接近目標人物而Cosplay成動漫人物，他透露曾在現實中試過低成本扮蜘蛛俠︰「有年萬聖節同朋友一齊扮唔同造型嘅蜘蛛俠。我朋友身材靚啲，就成件直接著唔打底，但係我呢啲身材驕人嘅，就唔方便露出嚟喇，所以我係Cosplay著外套，短褲加波鞋，但入面著住套衫嘅蜘蛛俠。」
