【今晚直撃】朱千雪今晚出席法國品牌活動，自認在加拿大讀書時讀過法文，都叫做識少少，可以在活動上趁機會曬下，「其實基本單字睇及寫都可以，聽就麻麻地，都有個心願再讀法文，希望有日去旅行時不用翻譯。」
提到平日有否幫男友襯衫？朱千雪說：「他不用我特登去揀衫，反而平日會夾下著衫，例如他著西裝時，我就會著裙去配搭，扮靚少少，但就不會著情侶裝，自己好多時亦有問男友意見，他亦好坦白，好就好，唔好就話唔好。(男友唔准性感出街？)因為我接受能力低，畀得他睇就自己接受得到，過到自己關口先，所以不會太過性感，因為唔喜歡﹗」
