【今日直撃】林峯與吳千語拍拖5年，曾經講過好愛好愛對方，可惜今日終於承認分手，結束這段戀情。
林峯今日出席《英皇電影2018巡禮》時，外形明顯消瘦不少，疑似受情傷影響，他說：「要拍《PTU機動部隊》，無理由做個肥警察。（以為你為情消瘦？）無咁脆弱…（冇事？）咁耐無見大家，就簡短講，以後唔好再問我，同千語分開了一段時間，其餘事希望大家畀啲空間，以後感情事唔多講﹗（張馨月是新女朋友？）總之所有感情事唔再講﹗希望專注工作上，以往經驗每次工作都會提到唔關工作事情上。（再見亦是朋友？）OK，大家和平…（是有共識之下交由你講出來？）講完喇，感情事唔回應，希望大家放過我喇﹗（之前唔講是想保護對方？）跟住工作排到2019年，好開心又好充實，之前有幾年工作是放鬆了少少﹗（因為拍拖而放鬆？）…跟住會好密集，沉澱後希望工作上有突破。」
當追問分手原因及幾時提出，林峯堅持感情事不唔講，未有正面回應。至於父母是否安排張馨月和他相睇，林峯說：「真的唔講感情事，知我私人事都唔鍾意講﹗（現時單身？）感情事即是私人事，唔講﹗（覺得張馨月被起底很慘？）所有事都唔講喇，講多錯多﹗」
林峯再次將話題帶回工作，指手上有幾齣電影及電視劇要拍，強調不是特登要自己忙碌，全是經理人的安排。
