菊梓喬（Hana）為劇集《那些我愛過的人》片尾曲《我輸不起》拍攝MV，Hana笑言：「今次終於有一個比較成熟型嘅男主角，次次都畀人笑我配小鮮肉，劇情要求男主角喺身邊保護我，的確幾溫暖幾sweet，不過拍攝之後同事又話我個樣偏細，搞到隔籬個男主角變大叔系。」
這首歌是講述愛情中的角力，男女雙方都互不相讓，Hana說：「自己的確係一個幾堅強、幾唔認輸嘅人，凡事都想盡力去做、盡力爭取，但愛情就係另一個課題，唔可以太過執着，當失去才珍惜已經太遲。」
MV在赤柱一個開揚環境取景拍攝，室內景有一個超大浴缸，Hana即在大浴缸內擺甫士影靚相留念：「難得嘅浴照，可以望住咁開揚嘅海景，個人心情都會好好。」
