無綫《萬千星輝賀台慶》今晚（19日）舉行，一眾小花在紅地氈上爭妍鬥麗鬥性感，當中以劉穎鏇﹑黃婧靈（波波）﹑劉佩玥（Moon）﹑黃嘉雯及葉蒨文最為性感。
葉蒨文身穿Deep V及高衩裙，相當養眼又性感，她表示已貼了膠紙﹑做足安全措施防泄春光，笑問她是否想在裝扮上「加料」？她笑說：「呢件唔允許。（真材實料？）你哋可以咁講，你哋自己推考。（禾稈冚珍珠？）今日要隆重其事。（以後再性感些？）每年台慶大日子都會咁落力，或者自己生日。」
波波亦身穿超Deep V裙亮相紅地氈，甚為「震撼」，她亦表示已做足安全措施，問到是否有壓迫感？她說：「都冇辦法，條裙Size變唔到。（好少性感？）平時衣著較少咁樣，比較隆重日子要悉心打扮。」
劉穎鏇則化身拉丁舞孃亮相，她說：「我第一眼睇都有呢個感覺，好多謝Designer，初頭一睇都覺得幾暴露，但佢哋見我有操番（身形），想我騷條腰同埋腿。（人生最弗時刻？）都算係呀，趁有機會着呢條裙。」
