張達倫、徐榮及羅天池曾於舊版無綫處境劇《愛‧回家》合作，三人私底下老友鬼鬼，更齊齊開心鬥舞！今日張達倫在社交網分享一段視頻，片中見他與徐榮、羅天池先擺出Chok甫士，然後隨音樂起舞，但他們跳得不太齊整，合拍欠奉。三人中以張達倫最有節奏感，可惜入錯beat；徐榮就沒甚表情，兼動作有點生硬；羅天池則不太跟拍子。
張達倫留言「玩下（吓）抖音啫 @tsuiwing0807（徐榮Ig帳號） @lawtinchi（羅天池Ig帳號） #跳下（吓）舞先 #入錯beat #活在倫下」，一眾圈中好友紛紛留言，陳自瑤問他們：「你地（哋）無事呀麻？」之後，楊潮凱說「你地（哋）唔好放棄治療呀」，張達倫搞笑稱「就係治療先要跳」；蕭正楠亦加入發言：「你住邊頭㗎？我想摑你一巴⋯⋯」認真搞笑。
